Այսօր՝
 
  • 22:43 – Ինդիանայի բնակչին մեղադրում են Դոնալդ Թրամփին սպանելու սպառնալքիների մեջ 
  • 22:12 – Եվրախորհրդարանը հավանություն է տվել համատեղ պաշտպանական հիմնադրամի ստեղծմանը 
  • 22:02 – Հունաստանի պաշտպանության նախարարը մտահոգ է Թուրքիայի կողմից Ս-400-ների ձեռքբերմամբ 
  • 21:41 – Ես չեմ կարող հիմա ասել՝ Սերժ Սարգսյանը որեւէ հանցագործության մեջ կմեղադրվի, թե ոչ. Նիկոլ Փաշինյան 
  • 21:22 – Օձերը ստիպել են Լիբերիայի նախագահին թողնել նստավայրը 
Քաղաքական
Պաշտոնական
Տնտեսություն
Հասարակություն
Աշխարհ
Մշակույթ
Սպորտ
Ֆոտո, վիդեո
Օրացույց
«    Ապրիլ 2019    »
ԵրկԵրքՉրքՀնգՈւրՇբթԿիր
1234567
891011121314
15161718192021
22232425262728
2930 
Մենք սոց. ցանցերում
  • Facebook
  • Twitter

Պոմպեոն եվրոպական երկրներին վախեցնում է Ռուսաստանով եւ Չինաստանով

ԱՄՆ պետքարտուղար Մայք Պոմպեոն Կենտրոնական եւ Արեւելյան Եվրոպայի երկրներին կոչ է արել դիմակայել Չինաստանի եւ Ռուսաստանի «ազդեցությանը», տեղեկացնում է AP-ը։

Ելույթ ունենալով Բրատիսլավայում՝ Պոմպեոն ասել է, որ Չինաստանն ու Ռուսաստանը «երկակի սպառնալիք են ներկայացնում դեմոկրատական եւ ազատ շուկայի համար, որը ձեռք է բերվել 1989 թվականին Բեռլինի պատը քանդելուց հետո»։ Նրա խոսքով՝ հետկոմունիստական երկրները «հատկապես խոցելի են Չինաստանի եւ Ռուսաստանի գիշատիչ ներդրումների եւ քաղաքական միջամտության համար»։ Նա նշել է, որ «սպառնալիքի» դեմ պայքարի համար Միացյալ Նահանգները մտադիր է ակտիվացնել իր մասնակցությունը տարածաշրջանում՝ պաշտպանության եւ փոխանակման ոլորտներում համագործակցության մասին համաձայնագրերի միջոցով։

Նրա խոսքով՝ Սլովակիան իր պատմության եւ աշխարհագրության բերումով «այն ագրեսիվ դերի առանձնակի ըմբռնումն ունի, որը Ռուսաստանը շարունակում է խաղալ տարածաշրջանում, «հատկապես Ուկրաինայում»։ Սակայն «Ռուսաստանը միակ ազգը չէ, որը ջանում է քանդել ինքնիշխանությունն ու ազատությունը Եվրոպայում», նշել է Պոմպեոն։ Նա տեղեկացրել է, որ սլովակ պաշտոնյաների հետ բարձրացրել է «ձեր քաղաքական համակարգը կախվածության մեջ դնելու եւ մանիպուլացնելու ուղղությամբ Չինաստանի տնտեսական եւ այլ ջանքերից պաշտպանվելու անհրաժեշտության» հարցը։

Նա կրկնել է իր նախազգուշացումը, որն արել էր երկուշաբթի Բուդապեշտում, թե Միացյալ Նահանգները կարող է ստիպված լինել որոշակի գործողություններ փակել Եվրոպայում, եթե երկրները շարունակեն գործեր վարել չինական Huawei ըկերության հեռահաղորդակցություններով։ Պոմպեոն նշել է, որ ԱՄՆ-ը մտահոգ է Եվրոպայում, հատկապես ՆԱՏՕ եւ ԵՄ անդամ երկրներում Huawei-ի մոտիվներով։

Պետքարտուղարը հույս է հայտնել, որ կկարողանա փոխել ԱՄՆ-ի եւ Կենտրոնական ու Արեւելյան Եվրոպայի տասնամյակներ տեւած բաժանումը, որը վակուում է ստեղծել, ինչից օգտվել են Ռուսաստանը եւ Չինաստանը։ Նրա խոսքով՝ վերջին 10 տարիներին նախագահ Վլադիմիր Պուտինը եւ չինական առաջնորդները «շատ ավելի ագրեսիվ են դարձել տարածաշրջանում»։

скачать dle 11.1смотреть фильмы бесплатно
Լրահոս
Բոլոր նորությունները →