Այսօր՝
 
  • 22:16 – Իրանի հետախուզության նախարարությունը ներկայացրել է ԿՀՎ երկու ցանցերի բացահայտման մանրամասները 
  • 22:22 – Ամանորի միջոցառումները կազմակերպած ընկերությունը կրկին առանց մրցույթի կկազմակերպի Քաղաքացու օրվա միջոցառումները. Tert.am 
  • 22:22 – Ամանորի միջոցառումները կազմակերպած ընկերությունը կրկին առանց մրցույթի կկազմակերպի Քաղաքացու օրվա միջոցառումները. Tert.am 
  • 23:09 – Ծառուկյանի դեմ ակցիաները պայմանավորված են նրա աճող վարկանիշով․ Նաիրա Զոհրաբյան 
  • 22:01 – Աջափնյակի թաղապետն իր տեղակալի ֆեյսբուքյան գրառումների միտքը չի կիսում, բայց աշխատանքից չի հեռացնելու 
Քաղաքական
Պաշտոնական
Տնտեսություն
Հասարակություն
Աշխարհ
Մշակույթ
Սպորտ
Ֆոտո, վիդեո
Օրացույց
«    Հունիս 2019    »
ԵրկԵրքՉրքՀնգՈւրՇբթԿիր
 12
3456789
10111213141516
17181920212223
24252627282930
Մենք սոց. ցանցերում
  • Facebook
  • Twitter

ԱՄՆ-ը պատրաստվում է ռազմանավեր ուղարկել Արկտիկա

Վաշինգտոնը պատրաստվում է 2019թ. ամռանը ռազմանավեր ուղարկել Արկտիկա՝ թեստավորելու համար հրթիռակիր հածանավերի աշխատանքը ծայրահեղ պայմաններում, տեղեկացնում է «Նեմեցկայա վոլնա»-ն՝ հղում կատարելով Wall Street Journal-ին։ Ինչպես ասել է ԱՄՆ ՌԾՈւ ղեկավար Ռիչարդ Սփենսերը Wall Street Journal պարբերականին տված հարցազրույցում, ԱՄՆ-ը ջանում է ընդլայնել իր ներկայությունը ծայր Հյուսիսում՝ Ռուսաստանի ու Չինաստանի հետ մրցակցության պայմաններում։

Կլիմայի գլոբալ փոփոխությունների հետեւանքով արկտիկական ջրերն ավելի նպաստավոր են դարձել նավագնացության համար, ինչն ԱՄՆ-ին թույլ է տալիս այնտեղ ուղարկել իր նավերը՝ Նավագնացության ազատության ապահովման գործողության (FONOP) շրջանակներում, պարզաբանել է Սփենսերը։ Դա կլինի ԱՄՆ ՌԾՈւ առաջին գործողությունն այս տարածաշրջանում։

Ենթադրվում է, որ արշավախմբի կազմում, ռազմանավերից բացի, կլինի նաեւ պարեկային հականավակային P-8 Poseidon ինքնաթիռը։

2019թ. հունվարի 8-ին ելույթ ունենալով Նոր ամերիկյան անվտանգության կենտրոնում՝ Սփենսերն ասել է, որ ԱՄՆ ռազմածովային ուժերը կանոնավորապես ներկա են եղել Արկտիկայում 1960-ականներից ի վեր։ Սակայն հիմնականում այդ ներկայությունը սահմանափակվել է սուզանավերով եւ պարեկային ինքնաթիռներով, այլ ոչ թե ծովային նավերով։

ՆԱՏՕ Trident Juncture զորավարժությունների ժամանակ, որոնք անցկացվել են Նորվեգիայում 2018թ. հոկտեմբերին, «Հարի Թրումենը» վերջին 27 տարիներին դարձավ ամերիկյան առաջին ավիակիրը, որը հատեց Հյուսիսային բեւեռը։

Ամերիկյան USNI News պարբերականի տեղեկատվությամբ՝ ավիակիրը հաջող է կատարել աշխատանքը արկտիկական ցրտի պայմաններում, բայց նրան ուղեկցող փոքր ու մատակարարող նավերը էական դժվարություններ են կրել բարձր լայնությունների սառցաջրերում։

Ինչպես պարզաբանել է Սփենսերը, ԱՄՆ ՌԾՈւ ամենաարդիական նավերը չունեն շոգեհամակարգեր սառույցը նավի կորպուսից հեռացնելու համար։ Նման համակարգեր ունեցող վերջին հածանավերը ԱՄՆ-ում «Տիկոնդերոգա» դասի հրթիային հածանավերն են։ 

скачать dle 11.1смотреть фильмы бесплатно
Լրահոս
Բոլոր նորությունները →