Այսօր՝
 
  • 12:39 – Կարևորը դատարկ-դատարկ խոսալը չէ, ժողովուրդը սպասում է արդյունքի. Ծառուկյան 
  • 12:29 – ԱԱԾ աշխատակիցները զինված ներխուժել են Միհրան Պողոսյանի առանձնատուն. Հայտարարություն 
  • 11:44 – Այս ամենը այլ կերպ ընկալել, քան շահարկման փորձ, դժվար է. Ջանջուղազյանը՝ Մարուքյանի մասին 
  • 11:38 – Հայաստանի ֆինանսների նախարարը կմնա իր պաշտոնին 
  • 11:33 – Հունիսի 9-ին Լոռու մարզի երկու գյուղերում ընտրություններ կանցկացվեն 
Քաղաքական
Պաշտոնական
Տնտեսություն
Հասարակություն
Աշխարհ
Մշակույթ
Սպորտ
Ֆոտո, վիդեո
Օրացույց
«    Ապրիլ 2019    »
ԵրկԵրքՉրքՀնգՈւրՇբթԿիր
1234567
891011121314
15161718192021
22232425262728
2930 
Մենք սոց. ցանցերում
  • Facebook
  • Twitter

Նիկոլի ստերը՝ արվեստի միջոցով. #sutNikol նախաձեռնության անդամները դրամահավաք-մրցույթ են կազմակերպում

#sutNikol նախաձեռնության անդամներն այսօր մամուլի ասուլիսին հայտարարեցին, որ դրամահավաք-մրցույթ են կազմակերպում, և նրանք, ովքեր Նիկոլի ստերը կներկայացնեն արվեստի գործերով՝ հաղթելով կստանան շուրջ հազար դոլար գումար:

Նախաձեռնության անդամներից Կոնստանտին Տեր-Նակալյանը համոզմունք հայտնեց, որ անցած տարի տեղի ունեցածը ակադեմիական իմաստով ոչ մի աղերս չունի հեղափոխության հետ: «Մեր խնդիրը այն է, որ մենք վերհանենք այն մեծ ստերը, որի վրա կառուցվեց հեղաշրջումը: Հասարակությունը պետք է սովորի լսել ճշմարտությունը, քննադատական մոտեցումներ ցուցաբերի»,-ասաց նա:

Նա նշեց, որ #sutNikol ակցիան սկսել են խորհրդանշական՝ ապրիլի մեկին, և ցանկանում են կոտրել այն թեզը, թե Նիկոլը լավն է, իսկ իր թիմը՝ վատը: «Ինչպիսին ղեկավարն է, այնպիսին էլ համակարգն է, որին նա ղեկավարում է. մենք կոտրում ենք այդ տաբուն: Այդ մարդն այնքան բացահայտ ստեր է ասել, որ հնարավոր չէ կատարել որևէ երկրում: Մենք ուզում ենք սատարել այն արվեստի գործիչներին, ովքեր բացահայտված ստերը որպես արվեստի գործ կներկայացնեն»,-ասաց նա:

Կոնստանտին Տեր-Նակալյանը  նշեց, որ փորձել է նաև վերհանել այն խոստումները, որոնք սուտ չեն եկել և դրանցից մեկը այն է, որ Սերժ Սարգսյանը հեռանալու է պաշտոնից և որ խորհրդարանական ընտրություններ են անցկացվելու: «Մնացած խոստումներն անկատարելի են»,-ասաց նա:

Խմբի անդամ Նարեկ Սամսոնյանի գնահատմամբ՝ մեր իշխանությունների առանցքը սուտն է:

«Մենք որոշեցինք հայտարարել մրցույթ-դրամահավաք, և մինչև ամսի 26-ը հայտերը կընդունենք, այնուհետ կատարելու ենք հրապարակային միջոցառում, որտեղ այդ մասնակիցները կներկայացնեն իրենց աշխատանքները»,-ասաց նա:

Արթուր Դանիելյանը նշեց, որ շուտով կհրապարակեն հաշվեհամար և ցանկացողները կարող են փոխանցումներ անել. ամեն ինչ լինելու է բաց և թափանցիկ: Նա նաև կարծիք հայտնեց, որ Հայաստանում տեղի ունեցածը ամենևին էլ հեղափոխություն չէր:

Նարեկ Սամսոնյանը գտնում է, որ վարչապետի ամենամեծ ստերից մեկն այն է, որ քառօրյա պատերազմը եղել է պայմանավորվածությամբ: «Նիկոլ Փաշինյանի իշխանության առանցքը սուտն է, բացարձակ սուտը, երբեմն նաև՝ լկտի սուտը: Այդ մարդը ստի և կեղծիքի մարմնավորումն է, մենք գործ ունենք պաթոլոգիկ ստախոսի հետ»,-ասաց նա:

Կոնստանտին Տեր-Նակալյանը հարց բարձրացրեց, թե ի՞նչ տրամաբանությամբ է Նիկոլ Փաշինյանը հայտարարել, որ եթե հիմա ընտրություն լինի, ավելի շատ ձայն կստանա: «Եթե համեմատում ենք անցած տարվա և այս տարվա հետ, այլ համամասնություն ենք տեսնում»,-ասաց նա:

Նարեկ Սամսոնյանի կարծիքով՝ Նիկոլ Փաշինյանը չի տիրապետում իրավիճակին: «Ուժային կառույցներում կան լուրջ դժգոհություններ: Ես կասկածում եմ, որ Նիկոլ Փաշինյանը 20 տոկոսը կարող է հաղթահարել»,-ասաց նա:

Տեր-Նակալյանը պարզաբանեց նաև, թե ինչու էին իրենց հրավիրել ոստիկանություն և ասաց, որ եթե «Հանրային սեփականության ոչ նպատակային օգտագործման մասին» հոդվածը կիրառվի իրենց նկատմամբ, դա անհամաչափ է լինելու: Վերջում նա հարց բարձրացրեց՝ նախկինում Կաթողիկոսի կամ Սերժ Սարգսյանի վերաբերյալ գրառումների համար պատժվածներ կա՞ն:

скачать dle 11.1смотреть фильмы бесплатно
Լրահոս
Բոլոր նորությունները →