Այսօր՝
 
  • 22:16 – Իրանի հետախուզության նախարարությունը ներկայացրել է ԿՀՎ երկու ցանցերի բացահայտման մանրամասները 
  • 22:22 – Ամանորի միջոցառումները կազմակերպած ընկերությունը կրկին առանց մրցույթի կկազմակերպի Քաղաքացու օրվա միջոցառումները. Tert.am 
  • 22:22 – Ամանորի միջոցառումները կազմակերպած ընկերությունը կրկին առանց մրցույթի կկազմակերպի Քաղաքացու օրվա միջոցառումները. Tert.am 
  • 23:09 – Ծառուկյանի դեմ ակցիաները պայմանավորված են նրա աճող վարկանիշով․ Նաիրա Զոհրաբյան 
  • 22:01 – Աջափնյակի թաղապետն իր տեղակալի ֆեյսբուքյան գրառումների միտքը չի կիսում, բայց աշխատանքից չի հեռացնելու 
Քաղաքական
Պաշտոնական
Տնտեսություն
Հասարակություն
Աշխարհ
Մշակույթ
Սպորտ
Ֆոտո, վիդեո
Օրացույց
«    Հունիս 2019    »
ԵրկԵրքՉրքՀնգՈւրՇբթԿիր
 12
3456789
10111213141516
17181920212223
24252627282930
Մենք սոց. ցանցերում
  • Facebook
  • Twitter

Ուրցաձորը բաժանվել է մի քանի մասի․ համայնքում լարված իրավիճակ է

Արարատի մարզի Ուրցաձոր համայնքում կրկին լարված վիճակ է։ Հիշեցնենք, որ ամիսներ առաջ խոշորացված համայնքի բնակիչները բողոքի ցույցերի միջոցով հասան նրան,որ համայնքի 19 տարվա ղեկավար ՀՀԿ-ական Ռաֆիկ Անդրեասյանը հրաժարական ներկայացրեց։ Համայնքի բնակիչների խոսքով Անդրեասյանը տարիներ շարունակ թալանել է համայնքը, կոռուպցիան ու հովանավորչությունը հասել էր բարձր մակարդակի։ Այն ժամանակ բողոքի ակցիաները բավական կոշտ մեթոդներով էին տեղի ունենում։ Բնակիչները փակել էին միջպետական նշանակության ավտոճանապարհը, կաթվածահար արել երթևեկությունը։

Համայնքի ղեկավար Ռաֆիկ Անդրեասյանի հրապարակային հրաժարականից հետո նշանակվեց համայնքի ղեկավարի ժամանակավոր պաշտոնակատար, որին ևս բնակիչները մեծ սիրով չընդունեցին։ Այժմ կրկին լարվել է իրավիճակը համայնքում։

Համայնքապետի ժամանակավոր պաշտոնակատար Գևորգ Ավետիսյանին, ով Կենդանաբանական այգու կենդանիների խնամքի բաժնի նախկին համակարգող Մանուկ Մանուկյանի մորեղբոր որդին է։ Գյուղացիները մեզ հետ զրույցում նշեցին, որ իրենց չեն ընդունում ժամանակավոր պաշտոնակատարին, քանի որ կարծում են նա չի կարողանա լուծել համայնքի խնդիրները։

Բացի դա, գյուղացիները կարծում են, որ իրենց միջոցով փորձ է արվում Գևորգ Ավետիսյանին ժամանակավոր պաշտոնակատարից դարձնել համայնքի ղեկավար, ինչը բնակիչները չեն ցանկանում, այդ իսկ պատճառով հիմա լարվածություն է առաջացել։

Գյուղացիների խոսքով՝ ներկայիս ժամանակավոր պաշտոնակատարին նշանակելուց նպատակ է եղել իրենց նախկին գյուղապետ Վարդան Կարապետյանին վերադարձնել պաշտոնին, սակայն, հետո հասկացել են, որ դա խաղ է ու հենց Գևորգին են ցանկանում համայնքի ղեկավար դարձնել։

Նշենք, որ Վարդան Կարապետյանը 1990-1998 թվականներին եղել է Ուրցաձոր համայնքի ղեկավար, այնուհետև մեկնել է Ռուսաստանի դաշնություն։ Ի դեպ հենց ցույցերի ժամական բնակիչները մեկ մարդու նման ցանկություն ունեին համայնքի ղեկավարի պաշտոնում տեսնել Վարդան Կարապետյանին, սակայն, վերջինս լինելով ՌԴ քաղաքացի չի կարող լինել համայնքի ղեկավար, օրենքը թույլ չի տալիս։ Համայնքի բնակիչների խոսքով՝ Վարդան Կարապետյանին գյուղում հարգում են, ընդունում խոսքը, պատերազմով անցած մարդ է, ասում են։ Գյուղացիները նշում են՝ եթե նախկինում գյուղը բաժանվել էր երկու մասի, հիմա բաժանվել է մի քանի մասի։

Ինչևէ։ Փետրվարի 17-ին տեղի է ունենալու համայնքի ղեկավարի ընտրություն։ Թեկնածուները քիչ չեն։ Նախնական տվյալներով՝ առաջադրվելու է համայնքի ղեկավարի ժամանակավոր պաշտոնակատարը, նախկին ղեկավար ՀՀԿ-ական Ռաֆիկ Անդրեասյանը, Մխիթարյան Արթուրը, Մխիթարյան Անդրանիկը, Կարապետյան Անդրանիկը, Արզումանյան Անդրանիկը։ Վերջինս 90-ականներին համայնքի ղեկավար Վարդան Կարապետյանի հետ է աշխատել, այնուհետև աշխատել է հարկային մարմնում, Արարատ քաղաքի Արդշինինվեստ բանկում։ Բնակիչների խոսքով՝ իրենց նպատակը հիմա այն է, որ Ռաֆիկ Անդրեասյանը կրկին չընտրվի։ Մեր հարցմանը, թե ո՞ւմ եք տեսնում համայնքի ղեկավարի պաշտոնում, նրանք նախապատվությունը տվեցին Արզումանյան Անդրանիկին, հաշվի առնելով այն հանգամանքը, որ վերջինս գյուղում հարգված, սիրված մարդ է, դեռևս 90-ականներից գյուղի կառավարման գործում ունեցել է իր ներդրումը։ Այսպիսով, Ուրցաձոր համյանքում առաջիկայում սպասվում են հետաքրքիր ու սկանդալային զարգացումներ, ինչպես ասում են գյուղացիները։



скачать dle 11.1смотреть фильмы бесплатно
Լրահոս
Բոլոր նորությունները →