Այսօր՝
 
  • 00:06 – ՀՀ ոստիկանապետն ԱՄՆ դեսպանության հետ համագործակցությունն ընդլայնելու հույս է հայտնել 
  • 22:28 – Կենտրոնական բանկը «սխալ հանեց» Փաշինյանին. Արփինե Հովհաննիսյան 
  • 22:24 – Վիտալի Բալասանյանը Բակո Սահակյանին խնդրում է ներում շնորհել իր դեմ մահափորձի համար դատապարտվածներին 
  • 21:48 – ԵՄ-ն եւ աշխարհի պետությունները ստիպված կլինեն կարգավորել տեխնոհսկաների գործունեությունը 
  • 21:37 – Արարատ Միրզոյանը Գերմանիայում քննարկել է դպրոցական դասագրքերում Հայոց ցեղասպանության նյութերի ներառումը 
Քաղաքական
Պաշտոնական
Տնտեսություն
Հասարակություն
Աշխարհ
Մշակույթ
Սպորտ
Ֆոտո, վիդեո
Օրացույց
«    Մարտ 2019    »
ԵրկԵրքՉրքՀնգՈւրՇբթԿիր
 123
45678910
11121314151617
18192021222324
25262728293031
Մենք սոց. ցանցերում
  • Facebook
  • Twitter

Վերաքննիչ դատարանն աննախադեպ որոշում է կայացրել բեկանելով առաջին ատյանի դատարանի որոշումը. Հայկ Ալումյան

Վերաքննիչ դատարանն աննախադեպ որոշում է կայացրել բեկանելով առաջին ատյանի դատարանի որոշումը. Հայկ Ալումյան


Վերաքննիչ քրեական դատարանն աննախադեպ որոշում է կայացրել՝ ամբաստանյալ Արմեն Համազասպյանի կալանավորումն անփոփոխ թողնելու մասին Աջափնյակ և Դավթաշեն վարչական շրջանների ընդհանուր իրավասության դատարանի որոշումը հետ է ուղարկել նոր քննության:

Այս մասին Tert.am-ի հետ զրույցում ասաց Արմեն Համազասպյանի պաշտպան Հայկ Ալումյանը՝ հավելելով, որ իր պաշտպանյալն ուղիղ երեք տարի գտնվում է կալանքի տակ:

«Մինչև հիմա և՛ օրենքով, և՛ ընդունված դատական պրակտիկայի համաձայն, երբ անձի գործը մտնում է դատարան, դատարանը կայացնում է դատական քննություն նշանակելու մասին որոշում և այդ որոշման մեջ անդրադառնում է նրա խափանման միջոցի հարցին: Եթե անձը կալանքի տակ է, հենց այդպես թողնում է անփոփոխ. հետո օրենքը թույլ է տալիս, որ պաշտպանական կողմը ժամանակ առ ժամանակ նորից բարձրացնի հարցը, միջնորդի, որ կալանքը փոխարինվի այլ խափանման միջոցով կամ վերացվի, սակայն նման միջնորդությունները որպես կանոն մերժվում են, հազվադեպ նաև բավարարվում են»,-ասաց Ալումյանը:

Ալումյանի խոսքով՝ այս դեպքում խնդիրն այլ է, որովհետև եթե առաջին ատյանի դատարանը գործի քննության ժամանակ պաշտպանի միջնորդությունը մերժում է և շարունակում է անձին պահել կալանքի տակ, այդ որոշումները մինչև բոլորովին վերջերս կամ չեն բողոքարկվում կամ եթե բողոքարկվում են, չեն քննվում:

«Նման որոշումները Վերաքննիչ դատարանի կողմից հիմնավորվում են, որ բողոքների քննությունն իրենց իրավասության մեջ չի մտնում, և դա գործը քննող դատարանի բացառիկ իրավունքն է: Օրենքն իրականում հենց այդպես էլ նախատեսում է, բայց վերջերս Վերաքննիչ դատարանը այս մասով իր պրակտիկան սկսել է ձևավորել ոչ թե ներպետական օրենքների վրա, այլ Եվրոպական դատարանի վճիռների և եվրոպական կոնվենցիայի 5-րդ հոդվածի 4-րդ կետի հիման վրա (ազատության և անձնական անձեռնմխելիության իրավունք)»,-ասաց Ալումյանը:

Փաստաբանը հայտնեց, որ վերջերս մի քանի անգամ Վերաքննիչ դատարանը վարույթ է ընդունել նման բողոքներ, իսկ այս անգամ բեկանել է և կրկին առաջարկել է առաջին ատյանի դատարանին այդ հարցին անդրադառնալ. «Այսինքն՝ Վերաքննիչ դատարանը գտել է, որ առաջին ատյանի դատարանի վարույթում գտնվող գործով վերաքննիչ բողոքի հիման վրա իրավասու է դատական ստուգման ենթարկել առաջին ատյանի դատարանի կայացրած որոշումները դեռևս գործի քննության փուլում»:

Ալումյանի խոսքով՝ այս անգամ առաջին ատյանի դատարանի դատական ակտը բեկանելով Վերաքննիչ դատարանը նույնիսկ ցույց է տվել, թե ինչ կարող է տեղի ունենալ, եթե առաջին ատյանի դատարանի դատական ակտը կայացված է ոչ օրինական հիմքերով կամ հիմնավորված չէ:

Նշենք, որ Արմեն Համազասպյանին մեղադրանք է առաջադրվել ՀՀ քրեական օրենսգրքի 112-րդ հոդվածի 2-րդ մասի 14-րդ կետով՝ դիտավորությամբ առողջությանը ծանր վնաս պատճառելը, որն անզգուշությամբ առաջացրել է տուժողի մահը: Նա կալանքի տակ է գտնվում 2014 թվականի մայիսի 5-ից:
Բեթղեհեմ Արաբյանскачать dle 11.1смотреть фильмы бесплатно
թեգեր: Հայաստան
Լրահոս
Բոլոր նորությունները →