Այսօր՝
 
  • 22:22 – Ամանորի միջոցառումները կազմակերպած ընկերությունը կրկին առանց մրցույթի կկազմակերպի Քաղաքացու օրվա միջոցառումները. Tert.am 
  • 22:01 – Աջափնյակի թաղապետն իր տեղակալի ֆեյսբուքյան գրառումների միտքը չի կիսում, բայց աշխատանքից չի հեռացնելու 
  • 20:36 – Զուրաբիշվիլին Twitter-ում տարածել է Թրամփի հրապարակումը, ինչը Վրաստանում սկանդալ է առաջացրել 
  • 19:41 – Փաշինյանն ու Մեդվեդևը երևանյան ակումբներից մեկում պարել են և փախլավա կերել 
  • 19:32 – Կայացել է ԵՄ- Հայաստան համաձայնագրի ճանապարհային քարտեզի ամփոփիչ քննարկումը 
Քաղաքական
Պաշտոնական
Տնտեսություն
Հասարակություն
Աշխարհ
Մշակույթ
Սպորտ
Ֆոտո, վիդեո
Օրացույց
«    Մայիս 2019    »
ԵրկԵրքՉրքՀնգՈւրՇբթԿիր
 12345
6789101112
13141516171819
20212223242526
2728293031 
Մենք սոց. ցանցերում
  • Facebook
  • Twitter

«Վահագն» դհոլահարների համույթը հանդիսատեսի դատին է ներկայացրել «Պայքար» ստեղծագործությունը



Էջմիածնի «Հրաչ և Սյուզան Թուֆայան» հայորդաց տան «Վահագն» դհոլահարների համույթը նոր ստեղծագործություն է հանձնել հանդիսատեսի դատին։  Ստեղծագործությունը  կոչվում է «Պայքար»։

EuroLur.com-ի հետ զրույցում «Վահագն» դհոլահարների համույթի գեղարվեստական  ղեկավար Վահագն Թորոսյանը նշեց՝  իր սաները տքնաջան  աշխատել են՝ ցանկալի արդյունքի  հասնելու համար։

«Ես ու իմ սաները մշտապես մտածում ենք նոր գաղափարների, նոր ռիթմերի ու   ստեղծագործությունների մասին։  Հաճախակի մասնակցում ենք համերգների  ու փառատոնների։ Որպես ուսուցիչ՝ ես ջանում եմ, որ իմ խումբը ավելի ճանաչելի դառնա, իմ սաները մեծ բեմահարթակներում հանդես գան», - ասաց Վահագն Թորոսյանը։

Հարցին՝  իսկ ինչո՞ւ ստեղծագործությունը   կոչվեց «Պայքար», Վահագն Թորոսյանը պատմեց՝ այն  ծնունդ է առել թավշյա հեղափոխության օրերին, և դրա մեջ կա հայ ժողովրդի  պայքարի շունչն  ու ոգին։ Վահագն Թորոսյանը պատմեց՝ ինքն ու իր սաները հեղափոխության  գաղափարական ջատագովներից են եղել, իսկ ինքը մշտապես մասնակցել է հանրահավաքներին ու գործադուլ է արել, ճանապարհ փակել՝ ավելի  լավ Հայաստան ունենալու երազանքը սրտում պահած։

Վահագն Թորոսյանը նշեց՝ ստեղծագործության հեղինակն ինքն է, բայց իրեն այս հարցում սաները շատ են աջակցել։

«Իմ աշակերտների ներդրումը մեծ է։ Ես տալիս եմ միտքն ու գաղափարը, բայց  ստեղծագործությունը ճիշտ կատարելը, հանդիսատեսին ներկայացնելը հե՛նց նրանցից է  կախված։ Ընդգծեմ, որ իմ սաներից ոմանք արդեն զինվորական ծառայության են մեկնել, այսինքն՝ նրանցից շատերը երկար տարիներ հաճախել են «Վահագն» դհոլահարների համույթ։ Ես շատ ուրախ եմ, որ ծնողները և երեխաները վստահում են ինձ, գնահատում  իմ աշխատանքը։ Անշուշտ, դա պարտավորեցնող է, և  ես ջանում եմ ամեն անգամ մի նոր բան սովորեցնել իմ սաներին, հղկել ու թրծել նրանց, բացահայտել  նրանցից յուրաքանչյուրի  ստեղծագործական կարողություններն ու ունակությունները։ 


2018 թ․ հուլիսի 16-23-ը  ես սաներիս մետ միասին մեկնեցի Քոբուլեթի։ Ուրախությամբ պետք է նշեմ, որ այնտեղ  մասնակցելով "Звезды Черного моря" փառատոնին՝ իմ սաներն  արժանացան Գրան պրի մրցանակի։  Լիահույս  եմ, որ առաջիկայում ևս  իմ սաները  կմասնակցեն  համերգների ու փառատոնների և  նոր նվաճումներ կունենան։ Իմ սաների հաղթանակն իմ հաղթանակն է», -  եզրափակեց Վահագն Թորոսյանը։

скачать dle 11.1смотреть фильмы бесплатно
Լրահոս
Բոլոր նորությունները →